Yamanlik xusiylar Isroilning janubiga zarba berishganini ma’lum qilishdi. Ular qurolli kuchlari vakili Yahyo Sariyaning so‘zlariga ko‘ra, «Zulfikar» tipidagi ballistik raketa Beer-Sheva atrofidagi «hassos hudud»ni nishonga olgan.
«Xusiylarning raketalar bo‘limi Biryussebi (Beer-Sheva)da «Zulfikar» tipidagi ballistik raketa bilan hassos nuqtaga hujum qildi», — dedi Sariya.
Isroil armiyasi esa Yaman hududidan otilgan raketa himoya tizimlari tomonidan yo‘ldan ozdirilganini ma’lum qildi.
Avvalroq xusiylar «mintaqadagi barcha faoliyatni kuzatib borishda va nazorat qilishda» ekanliklarini va har qanday tahdidlarga javob berishga tayyor ekanliklarini bildirgan edi. Sariyaning so‘zlariga ko‘ra, harakat Isroilga qarshi agressiyaga duch kelgan har qanday arab yoki islom davlatini qo‘llab-quvvatlaydi.
6 may kuni AQSh prezidenti Donald Tramp xusiylar Qizil dengizdagi kemalarga bo‘lgan hujumlarni to‘xtatishga rozilik bildirganini ma’lum qildi. Shu bois, AQSh Yamandagi harakat pozisiyalariga zarbalarni to‘xtatdi.
Keyinchalik, Oman tashqi ishlar vaziri Badr al-Busaidi o‘z mamlakati vositachiligida o‘tishga kelishuvga erishilganini tasdiqladi. Ushbu kelishuv xusiylardan Bab-el-Mandeb bo‘g‘ozi orqali o‘tayotgan, jumladan amerikalik kemalarga ham, hujumlarni to‘xtatishni talab qilgan.
Eldor Shomurodov yangi jamoasining taklifini qabul qildi
AQSh Eronga fikridan voz kechishi uchun 30 mlrd dollar bermoqchi
Ispaniya Bosh vaziri Yevropaga: “Siz ikkiyuzlamachisiz. Isroilga hech narsa qilolmayapsiz”
