Xorazm viloyati Ekologiya, atrof-muhitni muhofaza qilish va iqlim o‘zgarishi boshqarmasi nazorat inspeksiyasi tezkor guruhi viloyat prokuraturasi va Milliy gvardiya xodimlari bilan hamkorlikda navbatdagi ekologik reyd tadbirini o‘tkazdi.
Qayd etilishicha, o‘tkazilgan reyd davomida Xorazm viloyatining Hazorasp tumanida yashovchi K.R. ijtimoiy tarmoqlar orqali noyob qush — O‘zbekiston Qizil kitobiga kiritilgan cho‘l miqqiy qushini sotayotganida ushlandi.
Mazkur holat yuzasidan huquqbuzarga nisbatan O‘zbekiston Respublikasi Ma’muriy javobgarlik to‘g‘risidagi kodeksning 92-moddasiga asosan ma’muriy bayonnoma tuzilib, bazaviy hisoblash miqdorining 5 baravari — 1 million 875 ming so‘m miqdorida jarima qo‘llanildi.
Cho‘l miqqiy qushi salomatligini tekshirish uchun Xorazm milliy tabiat bog‘iga o‘tkazildi. Kerakli muolajalar qo‘llanilgach, qush tabiatga qo‘yib yuboriladi.
Ma’lumot uchun, cho‘l miqqiy qushi O‘zbekiston Qizil kitobi va IUCN Qizil ro‘yxatiga kiritilgan ko‘chmanchi tur bo‘lib, zaifga yaqin maqomga ega. G‘arbiy Tyan-Shan va Pomir-Oloyda, Qizilqum tog‘larida, Amudaryo va Zarafshon daryolari vodiylarida tarqalgan.
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Qarshi shahri hokimi sud qilindi
Buxoroda 12 yoshli qizning 4 oylik homilasi borligi ma’lum bo‘ldi
