Xorazm viloyatida o‘tkazilgan tezkor tadbir davomida profilaktika inspektori pora olayotgan paytda qo‘lga olindi. Bu haqda Ichki ishlar vazirligi axborot xizmati xabar berdi.
Ma’lum qilinishicha, fuqaro tanishi bilan o‘zaro kelib chiqqan nizoli masala yuzasidan murojaat qilgan. Unga ko‘ra, hamkorlikda ochilgan xususiy korxonaga aloqador hujjatlardagi imzolar sherigi tomonidan soxtalashtirilgan, daromadlar esa o‘zlashtirib kelinayotgani bildirilib, masala huquqiy tartibda ko‘rib chiqilishi so‘ralgan.
Shu jarayonda mazkur hudud uchun mas’ul profilaktika inspektori tanishlari orqali ekspertiza natijalarini fuqaro foydasiga chiqarib berishni va’da qilgan. Buning evaziga u 1 000 AQSh dollari miqdorida pora talab qilgan. Tezkor tadbir davomida inspektor Xiva shahrida pulni olayotgan vaqtida daliliy ashyolar bilan qo‘lga olingan.
Holat yuzasidan Xorazm viloyati prokuraturasi tomonidan holat yuzasidan Jinoyat kodeksining 25-moddasi (jinoyatga tayyorgarlik ko‘rish va jinoyat sodir etishga suiqasd qilish) orqali 168-moddasi (firibgarlik) 3-qismi «v» bandi va 28-moddasi (jinoyat ishtirokchilarining turlari) orqali 211-moddasi (pora berish) 1-qismi bilan jinoyat ishi qo‘zg‘atilgan hamda xodimga nisbatan «qamoq» ehtiyot chorasi qo‘llanilgan.
Bog‘cha mudirasi ishtirokidagi janjalli vaziyat yuzasidan qaror qabul qilindi (VIDEO)
Kim Chen Inning salomatligiga doir ayrim ma’lumotlar oshkor qilindi
Rossiya aktivlarining Ukraina foydasiga musodara qilinishiga qarshi chiqqan YEI davlatlari nomlari e’lon qilindi
