Xorazm viloyati Urganch tumanida tegishli hujjatlarsiz Lacettini boshqarib ketayotgan 10-sinf o‘quvchisi Damasga urilib, yo‘l-transport hodisasini sodir etdi. Bu haqda IIV YHXBB axborot xizmati xabar berdi.
Qayd etilishicha, 6 may kuni soat 15:30 larda haydovchilik guvohnomasiga ega bo‘lmagan maktab o‘quvchisi E.B. Lacettini Urganch tumani hududidan o‘tgan 4P-162 sonli katta aylanma yo‘li bo‘ylab boshqarib ketayotib, tezlikni oshirib, yo‘lning qarama-qarshi tarafiga chiqib ketgan va Damas bilan to‘qnashuv sodir etgan.
Oqibatda uch kishi halok bo‘lgan, yana ikki fuqaro turli tan jarohatlari bilan shifoxonaga yotqizilgan.
Mazkur holat yuzasidan Urganch tumani IIB Tergov bo‘limi tomonidan Jinoyat kodeksi 266-modda (transport vositalari harakati yoki ulardan foydalanish xavfsizligi qoidalarini buzish) 3-qismi «a» bandi bilan jinoyat ishi qo‘zg‘atilgan.
Rossiya yana bir harbiy mojaroda ishtirok etishi mumkin
Rossiya yana ikkita qishloqni qo‘lga kiritdi, ammo o‘z pozisiyasini yo‘qotdi
Diyora Usmonova marhum turmush o‘rtog‘i tomonidan zo‘ravonlikka uchragani haqida gapirdi
