Taniqli italiyalik jurnalist Fabrisio Romano «Manchester Siti» hujumchisi Erling Xolandning "Real"ga ehtimoliy transferi haqida tarqalgan mish-mishlarga futbolchining yaqinlari qanday munosabat bildirgani haqida ma’lumot berdi.
Xabar qilinishicha, Erling Xolandning otasi Alfi Xoland hamda uning agenti Rafaela Pimenta futbolchining «Real» bilan qandaydir kelishuvga erishgani haqidagi ma’lumotlarni rad etgan.
«Bularning barchasi juda qiziq, ammo haqiqat emas. Biz “Real Madrid” prezidentligi uchun kurashayotgan har ikki nomzodga omad tilaymiz», — deb iqtibos keltiradi Alfi Xoland va Rafaela Pimentaning so‘zlarini Fabrisio Romano.
Eslatib o‘tamiz, bundan avval «Real» prezidentligiga nomzod Enrike Rikelme saylovda g‘alaba qozongan taqdirda «Manchester Siti» futbolchilari Erling Xoland va Rodrini jamoaga olib kelishga va’da bergan edi.
Jahon chempionatining eng qimmat terma jamoalari reytingi e’lon qilindi
«Oltin to‘p»ga da’vogarlar: Goal JCh oldidan reytingini yangiladi
«Barselona» yulduz futbolchisidan ko‘ngli qoldi va uni sotishga qaror qildi
