Xitoyda so‘nggi ikki yilda 20 mingdan ortiq bolalar bog‘chalari yopilgan

Xitoyda bolalar bog‘chalari va maktabgacha ta’lim oluvchilar soni sezilarli darajada kamaydi. Bu haqda Tencent News xabar berdi.

Xitoy Ta’lim vazirligi tomonidan 10 oktyabr kuni e’lon qilingan “2023 yilgi ta’limni rivojlantirish bo‘yicha statistik hisobot”ga ko‘ra, 2023 yilda mamlakatda 274.400 ta bolalar bog‘chasi ro‘yxatga olingan bo‘lib, o‘tgan yilga nisbatan 14.808 taga, ya’ni 5,12 foizga kamaygan. Shuningdek, maktabgacha ta’lim oluvchilar soni 40,93 million nafarga yetib, o‘tgan yilga nisbatan 5,35 million bolaga yoki 11,55 foizga kamaygan.

Tencent News agentligi ma’lumotlariga ko‘ra, Xitoyda bolalar bog‘chalari va maktabgacha ta’lim oluvchilar sonining qisqarishi nafaqat 2023 yilda, balki undan ham ertaroq boshlangan.

"2022 yilgi milliy ta’limni rivojlantirish bo‘yicha statistik hisobot" ma’lumotlariga ko‘ra, 2022 yilda Xitoyda jami 289,200 ta bolalar bog‘chalari mavjud bo‘lib, o‘tgan yilga nisbatan 5,610 ta bolalar bog‘chalari, ya’ni 1,90 foizga kamaygan. Maktabgacha yoshdagi bolalar soni 46,28 million nafarni tashkil etdi, bu o‘tgan yilga nisbatan 1,78 million bolaga, ya’ni 3,70 foizga kamaydi.

So‘nggi yillarda Xitoyda tug‘ilish darajasining pasayishi bolalar bog‘chasiga boradigan bolalar sonining keskin kamayishiga sabab bo‘lganini ma’lum qilgandi.