Shvesiya Rossiya bilan urush e’lon qildimi?

Shvesiyalik tahlilchi Lars Bern Shvesiya Rossiyaga qarshi «harbiy isteriya»da ishtirok etayotgan davlatlardan biriga aylanganini aytdi.

Uning ta’kidlashicha, Shvesiya so‘nggi vaqtlarda Moskva bilan qarama-qarshilikni qo‘llab-quvvatlovchi davlat sifatida tilga olinmoqda. Bern Stokgolm an’anaviy betaraflik siyosatini saqlab qolishi va NATOga qo‘shilish rejalaridan voz kechishi kerak edi, deb hisoblaydi.

«Evropani qamrab olgan harbiy isteriya haqida gap ketganda, biz juda xavfli vaziyatga yaqinlashmoqdamiz», — dedi tahlilchi SwebbTV telekanaliga bergan intervyusida.

Shu bilan birga, maqolada Shvesiya Rossiyaga qarshi rasman urush e’lon qilgani haqida ma’lumot keltirilmagan. Rossiya prezidenti Vladimir Putin esa avvalroq Rossiya Yevropa bilan urushga tayyorgarlik ko‘rmayotganini bildirgan. Uning so‘zlariga ko‘ra, Moskvada bunday urush uchun «hech qanday sabab yoki asos» yo‘q.