"Ilgari bunday katta kuchga ega qurol mavjud bo‘lmagan"

Bill Geytsning ta’kidlashicha, sun’iy intellekt allaqachon milliardlab odamlarning o‘limiga olib kelishi mumkin bo‘lgan voqealarni keltirib chiqarishga qodir darajada kuchayib ulgurgan.

Microsoft asoschisining fikricha, eng zamonaviy sun’iy intellekt vositalari va zararli niyatdagi shaxslarning o‘zaro birlashuvi ayniqsa xavflidir — ilgari bunday katta kuchga ega qurol mavjud bo‘lmagan.

Geyts texnologik taraqqiyotning hozirgi sur’atini hisobga olgan holda, salbiy oqibatlarga olib kelish ehtimoli juda yuqori deb hisoblaydi: sun’iy intellekt tarixda yo "eng katta tenglashtiruvchi kuch"ga, yoki ulkan tengsizlik va global tahdidlar manbaiga aylanishi mumkin.

U hukumatlarni sun’iy intellekt rivojlanishining nazoratdan chiqib ketishiga yo‘l qo‘ymaslik uchun hozirdanoq nazorat mexanizmlarini joriy etishga chaqirdi.