Xitoy xakerlari yillar davomida britaniyalik yuqori martabali amaldorlarining telefon suhbatlarini tinglab kelgan

Xitoy xakerlari yillar davomida britaniyalik yuqori martabali amaldorlarining telefon suhbatlarini tinglab kelgan — The Telegraph.

Gazeta ma’lumotlariga ko‘ra, 2021-2024 yillarda Xitoyga aloqador xakerlar Buyuk Britaniya bosh vazirining Dauning-stritdagi qarorgohi xodimlari telefonlariga kirib, Boris Jonson, Liz Trass va Rishi Sunak yordamchilarining qo‘ng‘iroqlari, xabarlari va joylashuvi haqidagi ma’lumotlarni qo‘lga kiritishgan.

Ma’lum qilinishicha, bu operasiya Salt Typhoon global josuslik kampaniyasining bir qismi bo‘lib, AQSh va uning boshqa ittifoqchilarini ham qamrab olgan.

Shu bilan birga, nashr manbalari bu kiberhujum kampaniyasi davom etayotganini istisno qilmagan.