Rossiya Fanlar akademiyasining Osiyo va Tinch okeani tadqiqotlari instituti huzuridagi Yapon tadqiqotlari markazi katta ilmiy xodimi Oleg Kazakovning fikricha, Xitoy va Yaponiya o‘rtasidagi ehtimoliy siyosiy mojaro Osiyo–Tinch okeani mintaqasidagi boshqa davlatlarni, jumladan, Rossiyani ham o‘z domiga tortishi mumkin.
U Lenta.ru nashriga bergan intervyusida Rossiyaning bunday mojaroga ehtimoliy jalb etilishi strategik nuqtai nazardan Moskva uchun noqulay oqibatlarga olib kelishi mumkinligini ta’kidladi.
«Bu, shubhasiz, Rossiya–Yaponiya munosabatlarining yanada yomonlashishiga olib kelishi mumkin. Biroq Moskvaning Tokioga nisbatan siyosati faqat Rossiyaning milliy manfaatlariga asoslanishi kerak», — dedi Kazakov.
Sharqshunosning ta’kidlashicha, mintaqadagi har qanday yirik keskinlik nafaqat Xitoy va Yaponiya, balki boshqa qo‘shni davlatlar xavfsizligi va tashqi siyosatiga ham ta’sir ko‘rsatishi ehtimoldan xoli emas.
Mazkur bayonot ekspertning shaxsiy tahlili bo‘lib, rasmiy davlat pozisiyasini anglatmaydi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
