Xitoy ulkan suvosti dronlari uchun dunyodagi birinchi maxsus kemani qurmoqda

Shanxaydagi verfda katta suvosti dronlarini joylashtirish va dengizga tushirish uchun mo‘ljallangan yangi kema qurilayotgani aniqlandi. Kemada maxsus ichki dok, tushirish-ko‘tarish tizimi va taxminan 4 ta uchuvchisiz suvosti apparatini sig‘dira oladigan angar mavjud.

Xitoy hozirning o‘zida uzunligi 35 va 45 metr bo‘lgan ikki turdagi XXLUUV — o‘ta yirik uchuvchisiz suvosti apparatlarini sinovdan o‘tkazmoqda. Ular AQSh harbiy-dengiz kuchlarining Orca dronidan 6–8 baravar katta.

Naval News tahlilchisi H I Sutton fikricha, kemaning tuzilishi uni ilmiy tadqiqotlardan ko‘ra jangovar suvosti dronlarini tashish va qo‘llash uchun mo‘ljallangan «dronlar kemasi» bo‘lishi ehtimolini kuchaytiradi. Xitoy yirik uchuvchisiz suvosti apparatlarini amaliyotga joriy etishda boshqa davlatlardan ancha oldinda bormoqda.