Xitoy tijorat sun’iy yo‘ldoshlarining keng ko‘lamli tizimini yaratmoqda

Xitoy masofadan zondlash tijorat sun’iy yo‘ldoshlari guruhini yaratmoqda.

China Daily ma’lumotlariga ko‘ra, hozirda u 12 sun’iy yo‘ldoshni o‘z ichiga oladi. Kelgusida ularning sonini 114 taga yetkazish rejalashtirilgan.

Tizim qadimgi Xitoy mifologiyasining ma’budasi sharafiga Nuwa nomini oldi.

Ta’kidlanishicha, sun’iy yo‘ldoshlar, xususan, suv toshqinlariga qarshi kurashish uchun ma’lumotlar berishi, suvdan foydalanish, qurilish xavfsizligi va boshqalarni monitoring qilishi mumkin.