Xitoy Tayvanga shubhali havo shari uchirdi

Tayvan mudofaa vazirligi orol shimolidagi suvlar ustida Xitoy sharini ko‘rganini aytdi. Bu aprel oyidan beri sodir bo‘lgan birinchi bunday hodisa.

Tayvan dushanba kuni orolning shimoli-g‘arbiy qismida dengiz ustida Xitoy sharini aniqlaganini aytdi.

Tayvan aprel oyidan beri birinchi marta bunday hodisa haqida xabar bermoqda.

Shar mahalliy vaqt bilan soat 6:21 da ko‘rilgan.

Vazirlik xabariga ko‘ra, havo shari orolning havo mudofaasini aniqlash zonasiga kirgan.

Vazirlikning qo‘shimcha qilishicha, u 10 000 metr balandlikda ikki soat uchib, g‘oyib bo‘lgan.

Bu voqea Xitoy Tayvanga bosimni davom ettirayotgan bir paytda yuz berdi, chunki Pekin Tayvanni mustaqil davlat emas, balki o‘z hududining bir qismi deb biladi.