Xitoy hayvonot bog‘i suv toshqini tufayli millionlab dollar zarar ko‘rdi

Xitoyning Guansi-Chjuan avtonom tumanida hayvonot bog‘idan toshqin suvlari 100 dan ortiq hayvonni olib ketdi.

Pengpai nashrining xabariga ko‘ra, voqea Guygan shahrida sodir bo‘lgan.

Xabarlarga ko‘ra, kuchli suv toshqini hayvonot bog‘ini deyarli butunlay suv bosgan. Barcha o‘txo‘r hayvonlar suv bosgan. Shu bilan birga, ularning qo‘ralaridagi ba’zi yirtqichlar, jumladan, uchta sher nobud bo‘lgan.

Dastlabki hisob-kitoblarga ko‘ra, hayvonot bog‘iga yetkazilgan zarar taxminan 4 million yuan (taxminan 590 000 dollar) ga baholanmoqda.

Avvalroq, Xitoyning sharqidagi Xanchjou shahridagi fermadan yuzlab zaharli ilonlar suv toshqini tufayli qochib, odamlarga hujum qila boshlagan edi.

Eslatib o‘tamiz, Maysak tayfuni iyul oyi boshida kuchli yomg‘ir yog‘dirdi, natijada Guansi-Chjuan avtonom tumanidagi ko‘plab daryolarda suv sathi xavfli darajadan oshdi. Tabiiy ofat oqibatida kamida 39 kishi halok bo‘ldi, yana to‘qqiz kishi bedarak yo‘qolgan.

Bundan tashqari, Lyulan suv omboridagi to‘g‘on qulab tushdi.

Sinoptiklar shu hafta oxiri Xitoyning sharqiy qirg‘og‘iga kuchli Bavi tayfuni yaqinlashib kelayotgani sababli kuchli yomg‘ir va suv toshqinlari davom etishini bashorat qilmoqda.