Xitoy Eronning yadroviy dasturdagi huquqini qo‘llab-quvvatlaydi

Xitoy Eronning tinchlik maqsadlarida yadroviy dasturni amalga oshirish huquqini qo‘llab-quvvatlaydi.

Bu haqda Mehrnews axborot agentligi xabar berdi.

Eron tashqi ishlar vaziri o‘rinbosari Kazem G‘aribobodiy Pekinga tashrif buyurgani va Xitoy tashqi ishlar vaziri yordamchisi Lyu Bin bilan uchrashgani ta’kidlandi.

Xitoy tomoni Eron yadroviy masalasiga siyosiy va diplomatik yechim topish zarurligini ta’kidladi.

G‘aribobodiy Xitoyning Eron yadroviy masalasidagi xolis va adolatli pozisiyasini yuqori baholadi.