Tramp: "O‘z xavfsizligimdan xavotirdaman"

AQSh prezidenti Donald Tramp o‘z xavfsizligi haqida xavotirda ekanligini aytdi, ammo u bunday fikrlarni chetga surib qo‘yishga harakat qiladi.

Amerika yetakchisi bu bayonotni NBC News telekanaliga bergan intervyusida aytdi.

"Men bundan xavotirdaman, lekin buni xayolimdan chiqarib tashlashim kerak, aks holda o‘z ishimni bajarish imkonsiz bo‘lardi", dedi Amerika yetakchisi bu masala bo‘yicha berilgan savolga javoban.

Shuni ta’kidlash kerakki, Tramp 2024 yilda ikkita suiqasd urinishidan omon qoldi. Birinchisi iyul oyida Pensilvaniyadagi saylovoldi mitingida, snayper o‘qi uning qulog‘iga tegib ketganida sodir bo‘lgan. Ikkinchi voqea uning Floridadagi Mar-a-Lago qarorgohi yaqinida sodir bo‘lgan.

Ikkinchi voqeada gumonlanuvchi Rayan Uesli Rut umrbod qamoq jazosiga hukm qilindi.