Isroilda portlash sodir bo‘ldi

Isroilning Kiryat-Yam shahrida avtomobil portlashi oqibatida kamida bir kishi halok bo‘ldi va ikki kishi jarohat oldi.

Bu haqda The Jerusalem Post nashri Rambam tibbiyot markazi vakiliga tayanib xabar berdi.

Xabarga ko‘ra, portlash 4 fevral kuni kechqurun sodir bo‘lgan. Voqea joyiga yetib kelgan tez tibbiy yordam xodimlari tutun chiqayotgan mashinani va uning yonida uch kishi yotganini aniqladilar.

Hadisada 30 yoshli erkak va 13 yoshlar atrofidagi o‘smir jarohat oldi; ular og‘ir ahvolda ko‘plab jarohatlar bilan kasalxonaga yotqizildi, deb xabar berdi kasalxona gazetaga. Keyinchalik yana bir jabrlanuvchi kasalxonada vafot etdi, deb xabar beradi The Jerusalem Post.

Guvohlarning so‘zlariga ko‘ra, 12-kanal keltirganidek, voqea jinoiy xarakterga ega bo‘lishi mumkin. Isroil polisiyasi mashina yoniga o‘rnatilgan bomba muddatidan oldin portlagan bo‘lishi mumkinligini tekshirmoqda, deb xabar beradi KAN.