Rossiya tashqi ishlar vaziri Sergey Lavrovning aytishicha, Qo‘shma Shtatlar Ukraina masalasini AQShning sobiq prezidenti Jo Bayden ma’muriyatidan qolgan istalmagan «meros» deb hisoblaydi va undan qutulishga intilmoqda. Bu haqda u RT telekanaliga bergan intervyusida ma’lum qildi.
Lavrov ta’kidlashicha, Amerika tomoni Ukraina Bayden ma’muriyati davrida Rossiyaga qarshi pozisiya tufayli global kun tartibining markaziga chiqqanini tan olgan. Uning so‘zlariga ko‘ra, AQSh vakillari mazkur muammoni hal etish zarurligini bildirib, Rossiya pozisiyasini tushunishlarini va mojaroni bartaraf etish istagini izhor etgan.
Vazir, shuningdek, Amerika rasmiylari hamkorlikni qayta tiklash istiqbolini aynan «Ukraina muammosi»ni hal etish bilan bog‘layotganini qayd etdi. Uning aytishicha, bunday fikrlar Amerika delegasiyalari tomonidan maxfiy uchrashuvlarda bir necha bor bildirilgan.
Lavrov avvalroq Moskva AQShning Ukraina bo‘yicha muayyan murosa taklifini qabul qilishga tayyor bo‘lganini, ammo bu Yevropa va Kiyev tomonidan to‘xtatilganini aytgan edi.
Ilon Mask Rossiya dronlariga Starlink sun’iy yo‘ldosh aloqasidan foydalanishini chekladi — The Insider
Si Jinpin Xitoy Xalq Ozodlik Armiyasi ustidan to‘liq nazoratni qo‘lga kiritdi
"Epshteyn ishi" Slovakiya bosh vaziri maslahatchisining "boshiga yetdi"
