Xitoy 2030 yilga kelib Oyga kosmonavtlarni qo‘ndirishni rejalashtirmoqda

Xitoy hozirda Tyangun orbital stansiyasiga yangi missiya tayyorlamoqda va o‘zining ulkan koinot dasturini davom ettirmoqda.

Xitoy 2030 yilga kelib Oyga kosmonavtlarni qo‘ndirish maqsadiga erishish yo‘lida oldinga siljiyotganini e’lon qildi, deb xabar beradi AP News. Bu Tyangun koinot stansiyasiga yuboriladigan yangi ekipajning taqdimoti paytida e’lon qilindi.

Oy dasturidan tashqari, Xitoy Tyangun orbital stansiyasi uchun yangi ekipaj rotasiyasini tayyorlamoqda. Yangi ekipaj Chjan Lu, Vu Fey va Chjan Xunchjandan iborat. Ular juma kuni Szyusyuan kosmodromidan uchirilishi rejalashtirilgan. Bu Chjan Luning ikkinchi parvozi bo‘ladi, u ilgari Shenchjou-15 missiyasida ishtirok etgan bo‘lsa, bu boshqa ikki nafar kosmonavtning birinchi koinot parvozi bo‘ladi.

Bu safar kosmonavtlar nol tortishish kuchi va cheklangan makonning tirik organizmlarga ta’sirini o‘rganish uchun o‘zlari bilan to‘rtta – ikkita erkak va ikkita urg‘ochi sichqonchani ham olib ketishadi, deb xabar berdi korrespondent.net.