Xavi Anchelottini himoya qildi: “10 yilda 30 unvon – bu kammi?”

"Barselona" sobiq bosh murabbiyi Xavi so‘nggi paytlarda "Real" ustozi sifatida tanqid qilinayotgan Karlo Anchelottini yoqlab chiqdi.

"Ko‘k-anorranglilar"ning sobiq ustozi ispan futbolida darhol natijalarga e’tibor qaratish juda yuqori ekanligini ta’kidladi.

"Anchelottini qarang - u 10 yil ichida 30 ta unvonni qo‘lga kiritdi, uni esa hech narsaga erisha olmagandek tanqid qilishadi. Modomiki, Anchelottiga hujum qilishayotgan ekan, unda boshqalarni nima kutish kerak? Ispaniyada bosim juda katta, ayniqsa, "Barselona" va "Real"da," - deya Xavining so‘zlarini keltiradi Marca.