UFC Shon-shuhrat zali a’zosi, rossiyalik Xabib Nurmagomedovga tegishli Maxachqal’adagi Abdulmanap Nurmagomedov nomidagi aralash jang san’atlari maktabi yopiladi.
Bu haqda Mash telegram kanali xabar berdi. Xabarda keltirilishicha, klub o‘rnida turar-joy majmuasi quriladi. Yangi zal 2026 yilda Xabibning tug‘ilgan qishlog‘i Yangi Xushetda ochilishi kutilmoqda. Ma’lumot hozircha rasman tasdiqlanmagan.
Yozda huquq-tartibot idoralari vakillari Abdulmanap Nurmagomedov nomidagi aralash jang san’atlari maktabida tintuv o‘tkazgan edi.
