The Athletic sahifalarida juma kuni "Real" hujumchisi Endrikning holati haqida material e’lon qilindi. Materialda aytilishicha, "qaymoqranglilar" bosh murabbiyi Xabi Alonso Endrikni bu mavsumda o‘yin vaqti cheklanishi haqida ogohlantirgan. Murabbiyning so‘zlariga qaramay, 19 yoshli braziliyalik futbolchi jamoada qolishga qaror qildi.
2025/2026 yilgi mavsumda Endrik hali biror marta maydonda ko‘rinish bermagan.
"Real" o‘tgan 8 turda 21 ochko to‘plagan holda Ispaniya chempionatida peshqadamlik qilmoqda. Xabi Alonso jamoasi navbatdagi uchrashuvni 19 oktyabr, yakshanba kuni safarda "Xetafe"ga qarshi o‘tkazadi.
Umuman olganda, Endrik "Real" safida 37 ta o‘yin o‘tkazib, 7 ta gol urgan.
