Vinisius Xabi Alonso haqida qanday fikrda ekanligini aytdi

Madridning "Real" klubi hujumchisi Vinisius Junior jamoaning yangi bosh murabbiyi Xabi Alonso haqida gapirdi.

Ispaniyalik mutaxassis may oyi oxirida lavozimini tark etgan Karlo Anchelotti o‘rnini egalladi. 18 iyun kuni "qaymoqranglilar" yangi murabbiy qo‘l ostida klublar o‘rtasidagi jahon chempionati guruh bosqichi 1-turidan o‘rin olgan Saudiya Arabistonining "Al-Hilol" jamoasiga qarshi o‘yinda debyut qiladi.

"Biz Xabi Alonso davrida juda qattiq mashq qilyapmiz, ammo bugun parvoz tufayli mashg‘ulotlar osonroq o‘tdi. Bo‘lajak o‘yinga hozirdan tayyorgarlik ko‘ryapmiz. Murabbiy bilan avval ham muloqotda bo‘lganman, menga hammasi yoqadi. Muvaffaqiyatlarga erishish uchun ishlashda davom etishimiz kerak," - deya braziliyalikning so‘zlarini keltiradi Madrid Xtra.