Saudiya Arabistoni cho‘llarida 30 yil ichida birinchi marta qor yog‘di

Saudiya Arabistonining bir qancha hududlari 30 yil ichida birinchi marta qor bilan qoplandi. Bu haqda Anadolu Ajansi xabar bermoqda.

"Payshanba kuni Saudiya Arabistonining bir qancha hududlarida qor yog‘di... Bu so‘nggi o‘ttiz yillikda birinchi marta sodir bo‘ldi", — deyiladi agentlik xabarida.

Mamlakat g‘arbidagi Troyena tog‘ qo‘riqxonasidan markazdagi poytaxt Ar-Riyodgacha bo‘lgan bir necha ming kvadrat kilometr maydonni qor qoplagan.

Muzli yo‘llar paydo bo‘ldi. Mahalliy ommaviy axborot vositalari aholini ehtiyotkorlik bilan sayohat qilishga, ochiq tadbirlarni bekor qilishga va uyda qolishga chaqirdi.

2025 yil bir qator iqlim rekordlari va anomaliyalari bilan esda qoladi. Masalan, 27 iyun kuni dunyodagi eng qurg‘oqchil cho‘l hisoblangan Atakama cho‘liga qor yog‘di. 14 aprel kuni Turkiyada oxirgi 30 yildagi eng past harorat qayd etildi: Selsiy bo‘yicha -15 daraja.