Qishloq xo‘jaligi vazirligi huzuridagi Veterinariya va chorvachilikni rivojlantirish Davlat qo‘mitasi xodimlari tomonidan “Dolzarb 90 kunlik” profilaktika tadbirlari doirasida hududlarda hayvonlarni yuqumli kasalliklarga qarshi emlash ishlari davom etmoqda.
Xususan, Buxoro viloyati Buxoro shahri veterinariya va chorvachilikni rivojlantirish bo‘limi xodimlari, veterinariya uchastkalari hamda tashxis markazi xodimlari bilan birgalikda “Dolzarb 90 kunlik” tadbirlarida faol ishtirok etib, aholi xonadonlaridagi chorva hayvonlaridan “brusellyoz” kasalligiga qarshi qon namunalari olish tadbirlari o‘tkazilmoqda.
