“Veolia Energy” sabab Toshkentdagi o‘nlab mahallalar chiroqsiz qoldi

26 iyul kuni Yunusobod tumanida olib borilgan yer qazish ishlari vaqtida “Yunusobod” podstansiyasidan ta’minot oluvchi “Universam-1” va “Universam-2” kabel tarmoqlari shikastlangan.

Bu Shahriston taqsimlash punkti orqali elektr oladigan 14 ta mahallaning chiroqsiz qolishiga sabab bo‘lgan.

Ishlar “Toshkent shahar elektr tarmoqlari” bilan kelishmasdan amalga oshirilgan. Ayni paytda avariyani bartaraf etish ishlari boshlangan, elektr ta’minoti bosqichma-bosqich tiklanadi.

Mas’ullar keltirilgan noqulayliklar uchun aholidan uzr so‘ragan.