Vens Eron bilan urushni respublikachilarning saylovlardagi mag‘lubiyatining asosiy sababi deb atadi

AQSh vise-prezidenti Vens Eron bilan urushni respublikachilarning saylovlardagi mag‘lubiyatining asosiy sababi deb atadi va unga qarshi bo‘lganlarning haq ekanini tan oldi

Jey Di Vens X ijtimoiy tarmog‘idagi postida Respublikachilar partiyasi urush tufayli Kongressga bo‘lib o‘tgan oraliq saylovlarda yutqazib qo‘yganini qayd etdi. U o‘z postini, shu jumladan, ushbu mojaroning oqibatlari haqida ogohlantirgan va hafsalasi pir bo‘lgan tarafdorlariga ham qaratdi hamda ularning haq bo‘lganini tan oldi.

Vise-prezidentning so‘zlariga ko‘ra, Eron bilan urush va saylovlardagi mag‘lubiyat o‘rtasidagi bog‘liqlikni prezident Donald Trampning o‘zi ham tan olgan.

"Asosiy muammo shundaki, ikki yil oldin Tramp va menga ovoz berganlarning ko‘pchiligi endi demokratlarni qo‘llab-quvvatlagan", — dedi Vens.

Vise-prezident mamlakat miqyosida respublikachilarning demokratlardan 13 punktga orqada qolishini aniq bashorat qilgan ijtimoiy so‘rovnoma ma’lumotlarini keltirdi. O‘sha so‘rovnomada saylovchilardan ularni nima Respublikachilar partiyasidan yuz o‘girishga undashi mumkinligini so‘ralgan. Deyarli barcha javoblar to‘rtta talabga borib taqalgan — urushni to‘xtatish, narxlar o‘sishiga qarshi kurashish, AQShni birinchi o‘ringa qo‘yish va Isroil bilan munosabatlarni o‘zgartirish.

Shu bilan birga, Vens urushni “oqlanadigan harakat” deb hisoblaydiganlarga bu haqda ochiq gapirishni taklif qildi. "Agar kelgusi olti yilga Senatni yo‘qotishimiz shunga arziganligini isbotlamoqchi bo‘lsangiz — isbotlang. Bu urush shunday tovonni to‘lashga arziganini isbotlang. Mazkur ikrga qo‘shilish yoki qo‘shilmasligingiz mumkin", dedi u.