Fransiya polisiyasi "Oltin to‘p" mukofoti natijalariga pul tikish bilan bog‘liq shubhali holatlarni tekshirmoqda.
Upside nashrining The Athletic tomonidan tasdiqlangan ma’lumotlarga tayanib xabar berishicha, Polymarket platformasidagi 12 ta akkaunt erkaklar o‘rtasidagi "Oltin to‘p" ovoz berishida kuchli beshlikning yakuniy tartibini to‘liq to‘g‘ri topgan.
Ushbu akkauntlar orqali jami 250 ming yevro tikilgan va qariyb 200 ming yevro foyda olingan.
Fransiya huquqni muhofaza qilish organlaridagi manbaning ta’kidlashicha, bu holat ishtirokchilar oldindan maxfiy ma’lumotlarga ega bo‘lgan bo‘lishi mumkinligi haqida shubha uyg‘otmoqda.
Mukofot tashkilotchisi France Football natijalar e’lon qilinishidan avvalroq shubhali faollik haqida ogohlantirilgan.
"Oltin to‘p" mukofotining halolligi biz uchun mutlaq ustuvor vazifa. Tegishli huquqni muhofaza qilish organlariga murojaat tayyorlayapmiz. Tekshiruv davom etayotgani sababli hozircha qo‘shimcha ma’lumot bera olmaymiz", — dedi France Football vakili The Athletic nashriga.
Eslatib o‘tamiz, bu yil "Oltin to‘p" Garri Keynga nasib etdi. Keyingi o‘rinlarni Kilian Mbappe, Lamin Yamal, Rodri va Lionel Messi egalladi.
«An-Nasr» uch nafar yulduzisiz O‘zbekistonga tashrif buyurdi
Turkiyada o‘zbek futbolchilari shou ko‘rsatdi: Shomurodov va Fayzullayevdan gollar
Ronaldu ten Xagning tanqidiga keskin javob qaytardi
