Vengriya nima uchun Ukrainaga 90 milliard yevro ajratilishini to‘sib qo‘ydi?

Vengriya hukumati Yevropa Ittifoqining Ukrainaga 90 milliard yevro miqdoridagi kreditini blokirovka qilishga qaror qildi, chunki u Rossiya neftining “Drujba” quvuri orqali tranzitini to‘sib qo‘ymoqda.

Bu haqda Vengriya tashqi ishlar va savdo vaziri Peter Siyyarto e’lon qildi.

"Biz Ukraina “Drujba” quvuri orqali neft yetkazib berishni qayta boshlamaguncha, Ukrainaga 90 milliard yevro miqdoridagi harbiy kreditni blokirovka qilishga qaror qildik. Vengriyaga neft yetkazib berish qayta boshlanmaguncha, Ukraina 90 milliard yevro miqdoridagi harbiy kreditdan foydalana olmaydi", dedi tashqi ishlar vaziri M1 telekanali tomonidan efirga uzatilgan videomurojaatda.

Avvalroq Financial Times gazetasi Vengriya vakili Ukrainaga Yevropa Ittifoqi byudjeti tomonidan kafolatlangan qo‘shma qarz berishga so‘nggi daqiqada veto qo‘yganini xabar qilgan edi.