Vengriya bosh davlat telekanali Orban davridagi "yolg‘on yillari" uchun uzr so‘radi

"M1" yangiliklar telekanali 7 iyul kuni o‘z ko‘rsatuvlarini to‘rt soatga to‘xtatib qo‘ydi. Ekranda qora fonda shunday yozuv paydo bo‘ldi:

"Jamoatchilik ommaviy axborot vositalasi yolg‘on gapirmasligi kerak. Ko‘p yillar davomida shunday ish tutishga majbur bo‘lganimiz uchun uzr so‘raymiz!".

Telekanal kechqurun o‘z faoliyatini qayta tikladi, biroq yangiliklar dasturlarisiz. "Kossuth" davlat radiostansiyasi esa yangiliklar o‘rniga musiqa uzatdi.

Vengriya ommaviy axborot vositalarini qo‘llab-quvvatlash va aktivlarni boshqarish fondi (MTVA) ushbu jamoatchilik ommaviy axborot vositalari "mustaqil va ishonchli bo‘lish uchun" qayta ishga tushirilishini ma’lum qildi.

Yaqinda ushbu lavozimda Viktor Orbanning o‘rnini egallagan Vengriya bosh vaziri Peter Madyar 7 iyulni "tarixiy kun" deb atadi.

"Bugun davlat media platformalarida tashviqot ko‘rsatuvlari tugaydi", — deb yozadi Peter Madyar o‘zining Facebook sahifasida.