Venesuela Milliy Assambleyasi raisi Xorxe Rodriges ketma-ket yuz bergan 7,2 va 7,5 balli zilzilalarning qurbonlari soni 20 kishiga ko‘payib, 1450 nafarga yetganini ma’lum qildi. Uning qo‘shimcha qilishicha, 3150 kishi jarohatlangan, 12 721 kishi uy-joyini tark etishga majbur bo‘lgan va kamida 774 ta bino vayron bo‘lgan.
Mamlakatning eng ko‘p zarar ko‘rgan La-Guayra shtatiga xorijiy qutqaruv guruhlari yetib kelmoqda. Reuters'ning yozishicha, Karakasdan taxminan 40 km shimolda joylashgan ushbu shtatda o‘nlab binolar vayron bo‘lib, qum va vayronalar uyumiga aylangan.
2600 dan ortiq xorijiy qutqaruvchilar yetib kelguniga qadar mahalliy aholi va ko‘ngillilar kunlab vayronalar ostidan omon qolganlar va jasadlarni olib chiqdi. Ular ko‘pincha og‘ir texnika yetishmasligi va rasmiylarning kamligidan shikoyat qilishdi. Shu bilan birga yuzlab aftershoklar zararni yanada kuchaytirdi va aholini xavotirda ushlab turdi.
Shu dam olish kunlarida hukumat shanba oqshomiga qadar kamida 33 kishi, jumladan bir nechta bolalar qutqarilganini, biroq o‘n minglab odamlar hamon bedarak yo‘qolganlar ro‘yxatida qolayotganini ma’lum qildi.
Hukumat yuzlab odamlar bedarak yo‘qolgan yoki qolib ketgan degan raqamlarni keltirgan. Ammo mamlakat siyosiy muxolifati veb-saytida 50 mingga yaqin odam bedarak yo‘qolganlar ro‘yxatiga kiritilgan.
AQSh Geologiya xizmati 7.2 va 7.5 magnitudali zilzilalar oqibatida qurbonlar soni 10 000 dan oshishi mumkinligini taxmin qildi. Bu esa ushbu ofatni Lotin Amerikasida so‘nggi asrdagi eng ko‘p qurbon keltirgan zilzilalar sirasiga kiritadi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
