Bu haqda Energetika vazirligi axborot xizmati ma’lum qildi. Ushbu xabarga ko‘ra, joriy yilning 10 iyun kuni Qirg‘iz Respublikasi xalqaro energetika investisiya forumi o‘tkazilgan.
Jahon banki guruhi ko‘magida Qirg‘iz Respublikasi Vazirlar Mahkamasi tomonidan tashkil etilgan forumda O‘zbekiston, Tojikiston, Avstriya, Fransiya, Saudiya Arabistoni, Birlashgan Arab Amirliklari, Buyuk Britaniya kabi davlatlar vakillari va Yevropa Ittifoqi hamda bir qator xalqaro moliya institutlari mutasaddilari ishtirok etdi.
Forumda O‘zbekiston tomonidan energetika vaziri Jo‘rabek Mirzamahmudov qatnashdi.
Unda tomonlar Qirg‘iz Respublikasining energetika sohasini isloh qilish borasidagi ishlari, investisiya imkoniyatlari hamda “Qambarota GES-1” loyihasini muhokama qilish, Markaziy Osiyoda toza energiyaga o‘tishni jadallashtirish yuzasidan fikr almashdi.
Ushbu tadbir doirasida Qirg‘iziston, Qozog‘iston va O‘zbekiston Respublikalari energetika vazirliklari o‘rtasida “Qambarota GES-1”ni qurish va foydalanish loyihasini amalga oshirishga tayyorgarlik ko‘rish to‘g‘risida uch tomonlama bitim imzolandi.
Unga ko‘ra, energetika sohasida, jumladan, qayta tiklanuvchi energiya manbalari yo‘nalishi bo‘yicha hamkorlikni yanada rivojlantirish va “Qambarota GES-1” suv-energetika resurslaridan foydalanishning o‘zaro maqbul mexanizmlarini yaratishga kelishib olindi.
Boks bo‘yicha jahon chempioni Salim Abduvaliyev bilan aloqadorlikda ayblandi
Markaziy bank sobiq rahbari hibsga olindi
Rossiya birinchi marta 48N6DM raketasini Ukrainaga qarshi ishlatdi
