NBC telekanali Vashingtonda Bombardier CRJ700 yo‘lovchi samolyotining Sikorsky H-60 harbiy vertolyoti bilan to‘qnashuvi oqibatida halok bo‘lgan yo‘lovchilarning jasadlarini qabul qilish uchun vaqtinchalik o‘likxona tashkil etilganini ma’lum qildi. Bu haqda "RIA Novosti" yozmoqda.
Telekanal ma’lumotlariga ko‘ra, samolyot halokatida halok bo‘lganlarning jasadlarini qabul qilish uchun Vashingtonda vaqtinchalik o‘likxona tashkil etilgan.
Vaqtinchalik o‘likxona sifatida foydalanilgan qizil chodirlar Vashingtondagi Janubiy Kapitoliy ko‘chasi yaqinidagi vertolyot maydonchasiga o‘rnatilgani xabar qilingan. OAV ma’lumotlariga ko‘ra, jasadlar o‘likxonaga qayiq va tez yordam mashinasida olib kelinmoqda.
Kolumbiya okrugi tibbiy ekspertizasi operasiyani Kolumbiya okrugida o‘n yillar davomida o‘tkazilgan eng yirik operasiya deb atadi.
Avvalroq, bugun, 30 yanvar kuni ertalab Vashingtondagi Ronald Reygan aeroporti yaqinida vertolyot va yo‘lovchi samolyoti to‘qnashgani xabar qilingandi. OAV ma’lumotlariga ko‘ra, samolyot halokatga uchragan joyda Potomak daryosidan 28 kishining jasadi chiqarib olingan.
Suv ostida ko‘rilgan eng ulkan tirik mavjudot: U 34 metr uzunlikda va Napoleon davridan beri yashab kelmoqda
Ozod etilgan isroillik asirning so‘zlari ko‘pchilikni hayratlantirdi: "Safingizda bo‘lishni istardim"
Erning ichki yadrosi 15 yildan keyin to‘xtaydi — olimlar
