CNN ma’lumotlariga ko‘ra, maxfiy brifing AQShning Ukrainaga nisbatan pessimistik nuqtai nazarini ochib beradi, shuningdek, yaqin oylarda mojaroning boshi berk ko‘chaga kirib ketishini bashorat qilmoqda.
Hujjatlarda Ukraina qurollari va havo hujumidan mudofaa vositalarining zaif tomonlari qayd etilgan. Xususan, fayllarda Ukrainaning ilg‘or qo‘shinlarini himoya qilish uchun o‘rta masofaga mo‘ljallangan havo mudofaa tizimlari may oyida tugashi haqida so‘z boradi. Demak, Rossiya havoda ustunlikka erishadi, Kiyev esa quruqlikdagi qo‘shinlarini qarshi hujumda jamlash qobiliyatini yo‘qotishi mumkin.
Avvalroq AQSh razvedkasi Ukraina Qurolli kuchlarini jalb qilish bilan bog‘liq muammolar tufayli Ukrainaning bahorgi aksil-hujumlari muvaffaqiyatiga ishonmasligi ma’lum bo‘lgan edi.
