Vashington Bayden ketishidan oldin Ukrainaga qurol yetkazib berish tezligini oshirish niyatida

AQSh prezidenti Jo Bayden ma’muriyati Donald Tramp inaugurasiyasi oldidan Ukrainaga qurol yetkazib berish sur’atini oshirish niyatida.

Bu haqda CNN telekanali iste’foga chiqqan Amerika prezidenti ma’muriyatidagi manbalarga tayanib xabar berdi.

Yanvar oyi o‘rtalariga qadar Qo‘shma Shtatlar Ukrainaga “yuz minglab artilleriya snaryadlari, minglab raketalar, yuzlab zirhli texnikalar va boshqa zarur jihozlar” yetkazib beradi.

Gap yangi yordam paketi haqida emas, balki Bayden lavozimidan ketishidan oldin Vashington Kiyevga o‘tkazmoqchi bo‘lgan avvaldan rejalashtirilgan yuklar haqida ketmoqda.