O‘zbekistonlik chavandoz Erondagi turnirda oltin medalga ega chiqdi

O‘zbekistonlik chavandoz Eronda bo‘lib o‘tgan xalqaro turnirda oltin medalni qo‘lga kiritdi. Bu haqda Milliy olimpiya qo‘mitasi ma’lum qildi.

Tehronda ot sportining konkur yo‘nalishi bo‘yicha CSIY-B xalqaro turniri bo‘lib o‘tdi. Unda ishtirok etgan o‘zbekistonlik sportchi Dilshod Shokirov oltin medalni qo‘lga kiritdi.

Sportchi ushbu muvaffaqiyatga 110-115 sm balandlikdagi to‘siqlardan sakrash dasturida erishdi.

Ma’lumot uchun, musobaqa o‘z ishini 30 apreldan 2 mayga qadar davom ettirdi. Bu musobaqa yosh chavandozlar uchun xalqaro tajriba orttirish, sport mahoratini oshirish hamda keyingi yirik musobaqalarga puxta tayyorgarlik ko‘rish imkonini beradi.