O‘zbekistonlik 15 yoshli futbolchi Zufarxo‘ja Akramxo‘jayev "Chelsi" klubi akademiyasiga qabul qilindi. Buni "Chelsi" futbol klubi rasman tasqdiqladi.
“Chelsi” futbol klubi akademiyasi Zufarxo‘ja Akramxo‘jayevning U15 jamoamizga qo‘shilganini mamnuniyat bilan e’lon qiladi.
Zufarxo‘ja — O‘zbekistondan chiqqan 15 yoshli istiqbolli futbolchi bo‘lib, u “Chelsi” FK akademiyasi bilan shartnoma imzoladi va U15 tarkibiga qo‘shiladi. Ushbu muhim o‘tish Londonda amalga oshirildi va akademiyamizga iqtidorli yosh o‘zbek futbolchisining kelib qo‘shilganini anglatadi.
Biz Zufarxo‘jani akademiyamizda ko‘rishdan juda xursandmiz. U katta salohiyatga ega yosh va iqtidorli o‘yinchi bo‘lib, uning rivojlanishiga yordam berish va “Chelsi” safida muvaffaqiyat qozonishi uchun barcha sharoitlarni yaratishni maqsad qilganmiz. Murabbiylar shtabi u bilan ishlashni boshlash va uning to‘liq salohiyatini ochishga ko‘maklashishni intiqlik bilan kutmoqda.
Xush kelibsan, Zufarxo‘ja! Yaqin oylarda seni U15 jamoamiz safida yorqin o‘yin ko‘rsatishingni intizorlik bilan kutamiz", — deyiladi "Chelsi" klubi adminstratori Fiona Armfild tomonidan yozilgan maktubda.
Abduqodir Husanovning muvaffaqiyatlari ortidan Qozog‘iston futboli tanqid qilindi
“Real” yulduzlarni jilovlaydigan murabbiy topdi
AQSh Husanovdan hayratda!
