Futbol bo‘yicha tahliliy tadqiqotlar olib boradigan Football Meets Data kompaniyasi 2026 yilgi jahon chempionatida pley-off bosqichiga chiqish ehtimoli eng past bo‘lgan o‘nta terma jamoa ro‘yxatini e’lon qildi, deb xabar beradi Sports.kz.
Ushbu ro‘yxatdan O‘zbekiston terma jamoasi ham joy olgan. Tahlilchilar hisob-kitobiga ko‘ra, milliy jamoamizning pley-offga yo‘l olish ehtimoli 31,8 foizga baholangan. O‘zbekistondan pastroq ko‘rsatkichga ega terma jamoalar quyidagilar: Iroq — 15,4 foiz, Gaiti — 15,6 foiz, Kyurasao — 19,4 foiz, Iordaniya — 20,9 foiz va Panama — 27,3 foiz.
Shuningdek, guruh bosqichida muvaffaqiyatsiz ishtirok etish ehtimoli yuqori bo‘lgan o‘nta jamoa qatoriga Tunis (35,8 foiz), Saudiya Arabistoni (35,9 foiz), Kabo-Verde (36,4 foiz) va Qatar (39,8 foiz) terma jamoalari ham kiritilgan.
Eslatib o‘tamiz, O‘zbekiston terma jamoasi tarixda ilk bor futbol bo‘yicha jahon chempionatida ishtirok etadi. Shuningdek, Iordaniya, Kabo-Verde va Kyurasao terma jamoalari uchun ham bu musobaqa debyut hisoblanadi.
O‘zbek futbolchilarining o‘yindan keyin qilgan ishi kanadaliklarni hayratga soldi!
«Barselona» yulduz futbolchisidan ko‘ngli qoldi va uni sotishga qaror qildi
APLda narxi eng ko‘p oshgan futbolchilar ma’lum qilindi: Husanov ham "top-10"da
