O‘zbekistonga sovuq kunlar kirib keldi, 11-13 dekabr kunlari havo harorati kechalari −20 darajagacha pasayadi.
Xonadonlarni isitishda o‘zingiz va oila a’zolaringizni is gazi hamda yong‘in xavfidan himoya qilish uchun quyidagilarga rioya qiling:
➖ nosoz, qo‘lbola isitish moslamalaridan foydalanmang, standart talablariga javob beradigan isitish moslamalaridan foydalanishda ularni ishlab chiqargan korxonaning yo‘riqnomasidan foydalaning;
➖ isitish pechlari va ular dudburonlarining sozligi, quvurlarning har xil mahsulotlar bilan berkilib qolmaganligini ko‘zdan kechiring;
➖ gaz plitalardan xonalarni isitish maqsadida foydalanmang;
➖ xonani vaqti-vaqti bilan shamollatib turing;
➖ isitish pechlarini haddan ziyod qizdirib yubormang;
➖ gaz uskunalarni ulash tartib qoidalariga rioya qiling va ularga rezina shlanglar orqali ulanishga yo‘l qo‘ymang;
➖ tashqi himoya qobiqlari shikastlangan elektr sim va kabellardan foydalanmang;
➖ isitish moslamalari yaqinida tez yonadigan buyumlarni saqlamang.