O‘zbekistonda o‘ta xavfli yuqumli kasallik tarqatuvchi “uyg‘ondi”

Sanepidqo‘mita o‘ta xavfli yuqumli kasallik tarqatuvchi “uyg‘onganini” aytib, ogohlikka chaqirdi.

Sanepidqo‘mita bosh mutaxassisining ta’kidlashicha, qrim-kongo gemorragik kasalligi bu kanalar chaqishi oqibatida kelib chiqadigan o‘ta xavfli yuqumli kasallik hisoblanadi. Bu kasallikni yuqtirib olmaslik uchun quyidagi qoidalarga amal qilish talab etiladi:

• Chorva mollari tanasidagi kanalarni qo‘llar bilan terib olmaslik;
• Ularni o‘ldirmaslik;
• Agar chorvada kanalar bor bo‘lsa hududdagi veterinariya xodimlarini chaqirib, kanalardan tozalash choralarini ko‘rish;
• Tog‘-adirga chiqqanda, kana chaqqan taqdirda tibbiyot xodimlariga murojaat qilish.

Kasallikning asosiy belgilari:

• To‘satdan isitma;

• Bosh og‘rig‘i;

• Mushak va bel og‘rig‘i;

• Ko‘ngil aynishi, qusish;

• Ich ketish yoki qon aralash najas;

• Gemorragik (qon ketish bilan bog‘liq) holatlar — ya’ni, burundan, milkdan qon ketishi, teri ostiga qon quyilishi va h.k.