Bugun 24 avgust, 2019 yil, shanba

КИР

O‘zbekistonda qandli diabet bilan kasallangan bemorlar soni ortishi kutilmoqda

O‘zbekistonda qandli diabet bilan kasallangan bemorlar soni ortishi kutilmoqda

Yaqinda Axborot va ommaviy kommunikasiyalar agentligida O‘zbekiston Respublikasi Sog‘liqni saqlash vazirligi mutasaddilari ishtirokida jurnalistlar bilan ochiq muloqot bo‘lib o‘tdi.

Ma’lum qilinishicha, sohadagi mavjud muammolarni hal qilish va endokrin kasalliklarning oldini olish, erta tashxislash va davolash maqsadida Milliy dastur, chora-tadbirlar kompleksi, “Yo‘l xaritasi” belgilab olingan.

So‘nggi ikki yil ichida hududlarda endokrinologiya sohasini komleks rivojlantirish, moddiy-texnik bazasini mutahkamlash borasida olib borilgan sa’y-harakatlar natijasida viloyatlardan poytaxtimizga kelib murojaat qiluvchilar qariyb 3 barobarga qisqargani ta’kidlandi. Ayni paytda yurtimiz bo‘ylab 650 nafardan ziyod endokrinolog shifokor faoliyat yuritmoqda.

Tadbir davomida Sog‘liqni saqlash vazirligining 2018 yil 25 oktyabrdagi buyrug‘iga asosan, pilot viloyatlarda 45 yoshdan oshgan aholi orasida qandli diabet skriningi o‘tkazilayotgani haqida ma’lumot berildi. Shuningdek, qandli diabetning surunkali asoratlarini kamaytirish, ularni yuzaga kelishini kechiktirishga va bemorlarning hayot sifatini yaxshilashga yo‘naltirilgan onlayn registr ishlab chiqilmoqda.

“2015 yilda qandli diabet bilan kasallangan 170 ming 536 ta bemor ro‘yxatga olingan edi, — dedi Sog‘liqni saqlash vaziri birinchi o‘rinbosari Bahodir Yusufaliyev. — Bugungi kunga kelib esa, 230 ming 610 ta bemor ro‘yxatga va nazoratga olingan. Ko‘rib turibmizki, qandli diabetga chalinganlar oxirgi 3 yilda deyarli 60 mingtaga ko‘paygan. Bundan keyin skrining tekshiruvlari va kasallikni aniqlash ishlari ko‘payib boradi. O‘zbekistonda qandli diabet bilan kasallangan bemorlar soni ortishi kutilmoqda”.

Qayd etilishicha, olib borilgan tadqiqotlar va Namanganda o‘tkazilgan o‘rganishlar natijasida mamlakatimizda qandli diabet bilan kasallangan bemorlar soni (230 ming) kelgusida 4-5 martaga oshishi mumkin.

“Hozirda shu 230 ming nafar bemrodan 66 765 tasiga davlat tomonidan insulin beriladi, — dedi Bahodir Yusufaliyev. — Bemorlarimizning insulin bilan ta’minoti — muhim masala”.

Muloqot mobaynida akademik YO.X.To‘raqulov nomidagi Respublika ixtisoslashtirilgan endokrinologiya ilmiy-amaliy tibbiyot markazi olimlari va yetakchi mutaxassilari tomonidan inson salomatligi va jamiyat rivojiga salbiy ta’sir etuvchi bunday kasalliklarning oldini olish va bemorlarga tibbiy xizmat ko‘rsatish sifatini oshirish borasida tizimli ishlar amalga oshirilayotgani xususida to‘xtalib o‘tildi.

22-24 avgust kunlari Toshkentda yoshlar sayli bo‘lib o‘tadi

O‘zbekiston Respublikasi mustaqilligining 28 yillik tantanalariga sanoqli kunlar qoldi. Shu munosabat bilan Toshkent shahar hokimligi hamda O‘zbekiston yoshlar ittifoqining Toshkent shahar kengashi tomonidan «Milliy qadriyatlar – poytaxt yoshlari nigohida» nomli yoshlar sayli bo‘lib o‘tadi.

Mazkur tadbir 22-24 avgust kunlari Toshkentdagi eng gavjum hududlardan biri bo‘lgan Sayilgoh ko‘chasida o‘tkaziladi.

Yoshlar saylida yurtimiz va shahrimiz tarixiga oid ko‘rgazmali vositalar, milliy liboslar va hunarmandchilik buyumlari namoyishi hamda boshqa tadbirlar tashshkil etilmoqda.

Shuningdek, 22 avgust kuni Sayilgoh ko‘chasida «Ijod zavqi» nomli karnay-surnay festivali ham bo‘lib o‘tadi.


Kiritildi: 06:45 14.08.2019. O'qildi: 473 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi, va telefon rakamni tasdiklash kerak buladi!