O‘zbekistonda ommaviy tadbirlarni o‘tkazish bo‘yicha yangi qoidalar joriy etilmoqda

Hukumat qarori loyihasiga ko‘ra, ommaviy tadbirlarni tashkil etish va o‘tkazish tartibini takomillashtirish nazarda tutilmoqda. Xususan:

🔵madaniy tadbirlar, ko‘ngilochar-tomosha dasturlari va sport musobaqalariga kirish chiptalari elektron shaklda sotiladi (ochiq maydonlardagi ayrim tadbirlar bundan mustasno);

🔵chiptalarni belgilangan narxdan yuqori narxlarda qayta sotish, qalbakilashtirish va ulardan takroran foydalanishning oldi olinadi;

🔵ochiq maydonlarda doimiy o‘rindiqlarsiz o‘tkaziladigan tadbirlarda, qoida tariqasida, har bir kvadrat metrga ko‘pi bilan bir nafar ishtirokchi to‘g‘ri kelishi mezoni qo‘llaniladi;

🔵belgilangan taqiqlarni buzgan shaxslarning ommaviy tadbirlarga kirishi sud tomonidan vaqtincha cheklanishi mumkin;

🔵2027 yildan ommaviy tadbirlarga kirishi vaqtincha cheklangan shaxslarning elektron hisobi yuritiladi;

🔵shaxsini aniqlash imkonini bermaydigan darajada yuzini to‘sgan holda tadbirda bo‘lish taqiqlanadi (belgilangan istisnolar bundan mustasno);

🔵ommaviy tadbirlarda fuqarolar oqimi, ishtirokchilar soni va odamlar zichligini nazorat qilish uchun dronlardan foydalaniladi;

🔵fuqarolarni bepul mahsulotlar tarqatish yoki haddan tashqari arzonlashtirilgan narxlarda sotish orqali ommaviy tadbirlarga jalb qilish taqiqlanadi;

🔵tadbir o‘tkaziladigan ob’ektlarning xavfsizlik talablariga muvofiqligi yiliga kamida bir marta tekshiriladi;

🔵ichki ishlar, Milliy gvardiya, favqulodda vaziyatlar va sog‘liqni saqlash organlarining jamoat xavfsizligini ta’minlash bo‘yicha xizmatlari pulli asosda amalga oshiriladi (belgilangan istisnolar mavjud);

🔵saylovoldi tashviqoti bilan bog‘liq ommaviy tadbirlar va ko‘chma sirk tomoshalari uchun ruxsatnoma talab qilinmaydi. Bunda vakolatli organ kamida 10 ish kuni oldin xabardor qilinadi.