Bugun 5 avgust, 2025 yil, seshanba

КИР

O‘zbekistonda nodavlat universitet ochildi

A A A
O‘zbekistonda nodavlat universitet ochildi

“TEAM universitetini tashkil etish to‘g‘risida” Hukumat qarori (241-son, 18.04.2020 y.) qabul qilindi.

Qarorga muvofiq, TEAM universiteti tashkil etildi va uning asosiy vazifalari belgilandi.

Tadbirkorlik va boshqaruv, shuningdek boshqa sohalarda yuqori malakali oliy ma’lumotli kadrlarni tayyorlash Universitetning vazifalaridan biridir.

Universitet “TEAM University” MCHJ muassisligidagi ustav fondida davlat ulushi bo‘lmagan nodavlat oliy ta’lim tashkiloti hisoblanadi.

Universitetda o‘quv-metodik rahbarlik va ta’lim jarayonining olib borilishi tuziladigan bitimlar asosida yetakchi xorijiy OTMlar bilan birgalikda ta’minlanadi.

Universitetda ta’lim jarayoni ingliz, o‘zbek va boshqa tillarda tashkil etiladi, ta’lim faoliyati 2020/2021 o‘quv yilidan boshlanadi.

Bitiruvchilarga oliy ma’lumot to‘g‘risidagi hujjat sifatida e’tirof etilgan belgilangan namunadagi diplom beriladi.

Universitetda ta’lim olish to‘lov-kontrakt asosida, shuningdek yuridik shaxslar – potensial ish beruvchilar taqdim etadigan ta’lim grantlari, homiylik xayriyalari va boshqa manbalar hisobiga amalga oshiriladi.

Kiritildi: 13:20 20.04.2020. O'qildi: 5278 marta. Fikrlar soni: 0 ta.
telegram channel

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!