O‘zbekistonda har 100 ta oilaning 61 tasida shaxsiy mashina bor

2025 yilda O‘zbekistonda 100 ta uy xo‘jaligiga to‘g‘ri keladigan yengil avtomobillarning o‘rtacha soni 61 donani tashkil etgan.

Bu haqda Milliy statistika qo‘mitasi ma’lum qildi.

Bundan 15 yil avval, ya’ni 2010 yilda har 100 oilada bor-yo‘g‘i 21 ta mashina bo‘lgan bo‘lsa, 2015 yilga kelib bu raqam ikki baravar oshib, 42 taga yetgan.

2020 yildagi 49 talik ko‘rsatkich esa bugungi kunda yanada salmoqliroq ko‘rinish olgan.

Raqamlar shuni kursatmoqdaki, o‘zbekistonliklarning avtomobillarga bo‘lgan ehtiyoji va imkoniyati yildan-yilga barqaror sur’atda o‘sib bormoqda.