O‘zbekistonda ham ismni mashinaga raqam qilib qo‘yish mumkin bo‘ladi — Hukumat qarori

2026 yil 1 yanvardan boshlab “Uzavtomotobelgi” davlat unitar korxonasiga aholining talab va taklifidan kelib chiqqan holda avtomototransport vositalari uchun oltigacha harf va (yoki) raqamlar kombinasiyasidan iborat bo‘lgan “noyob” davlat raqami belgilarini ochiq kim oshdi elektron savdolari orqali berish huquqi berildi.

Bunda “noyob” davlat raqami belgilari amaldagi davlat raqamlarini takrorlamasligi, qonunchilikka hamda axloqiy normalarga xilof ma’noga ega bo‘lmasligi lozim.