O‘zbekiston tarixida ilk bor para velosport bo‘yicha Paralimpiya o‘yinlariga lisenziyalar qo‘lga kiritildi

Xalqaro Paralimpiya qo‘mitasi 2022-2024 yillarda xalqaro musobaqalarda qayd etilgan yuqori natijalardan kelib chiqib, O‘zbekiston para velosport terma jamoasi uchun Parij-2024 yozgi Paralimpiya o‘yinlari lisenziyalarini taqdim etdi.

O‘zbekiston Milliy paralimpiya qo‘mitasi tomonidan o‘tkazilgan trenerlar kengashi yig‘ilishida ushbu lisenziyalar so‘nggi yillarda nufuzli xalqaro musobaqalarda muvaffaqiyatli ishtirok etib, yuqori natijalarga erishib kelayotgan G‘olibbbek Mirzayorov hamda Azimbek Abdullayevlarga topshirilishi bo‘yicha qaror qabul qilindi.

Qayd etish lozimki, G‘olibbbek Mirzayorov C2 klassida 4 ta yo‘nalishda yurtimiz sharafini himoya qiladi:

Trek – 1000 metrga sprint
Trek – 4000 metrga vaqt poygasi
Shosse – vaqt poygasi
Shosse – guruh poygasi

Azimbek Abdullayev esa C5 klassida 4 ta yo‘nalishda bahslarda qatnashadi:

Trek – 1000 metrga sprint
Trek – 3000 metrga vaqt poygasi
Shosse – vaqt poygasi
Shosse – guruh poygasi

Ma’lumot uchun, Xanchjou-2022 Para Osiyo o‘yinlarining Trek poygalarida G‘olibbek Mirzayorov kumush, Azimbek Abdullayev bronza medalni qo‘lga kiritgan.