“Markaziy Osiyo + Yaponiya” muloqoti sammiti doirasida O‘zbekiston Respublikasi Prezidenti Shavkat Mirziyoyev ko‘p tomonlama biznes forumida ishtirok etdi.
Tadbirda Yaponiya Bosh vaziri Sanae Takaichi, Qozog‘iston Respublikasi Prezidenti Qasim-Jomart Toqayev, Qirg‘iz Respublikasi Prezidenti Sadir Japarov, Tojikiston Respublikasi Prezidenti Emomali Rahmon va Turkmaniston Prezidenti Serdar Berdimuhamedov ham qatnashdilar.
Markaziy Osiyo va Yaponiya o‘rtasidagi savdo-iqtisodiy hamkorlikni rivojlantirish, mintaqaga Yaponiya investisiyalari va ilg‘or texnologiyalarini jalb qilish, sanoat kooperasiyasini kengaytirish, ishbilarmon doiralar o‘rtasidagi to‘g‘ridan-to‘g‘ri aloqalarni mustahkamlashning dolzarb masalalari ko‘rib chiqildi.
Qo‘shma iqtisodiy loyihalar taqdimot qilindi. “Sumitomo”, “Chubu Electric Power”, “Shikoku Electric Power” kompaniyalari tomonidan JBIC va NEXI ko‘magida O‘zbekistonda ikkita quyosh elektr stansiyasini qurish, “Toyota Susho” ishtirokida AT infratuzilmasini modernizasiya qilish, “Sojitz” kompaniyasi tomonidan ko‘p tarmoqli tibbiyot markazini tashkil etish, shuningdek, “JOGMEC” ishtirokida yangi o‘ta muhim mineral konlarini o‘zlashtirish kabi O‘zbekiston – Yaponiya investisiya tashabbuslari shular jumlasidan.
Etakchilar huzurida tegishli loyihalar bo‘yicha hujjatlar almashildi.
«Dahshatli summalar»: AQSh biznesi Rossiyaga qarshi sanksiyalar tufayli qancha yo‘qotgani ma’lum bo‘ldi
Turkiya Rossiyadan sotib olingan S-400 zenit-raketa majmualarini qaytarmoqchi
Finlandiya tashvishda: "Agar Ukraina bo‘yicha tinchlik kelishuviga erishilsa..."
