O‘zbekiston kubogi. Toshkent derbisi oldidan prevyu

"Paxtakor" kubok yarim finaliga chiqish uchun "Bunyodkor" qarshiligini yengishlari zarur bo‘ladi.

"Paxtakor" va "Bunyodkor" kubokdagi eng muvaffaqiyatli jamoalar sanaladi. Ular hisobida birgalikda 17 bosh sovrin va 26 final mavjud. Bu esa ushbu chorak finalning qanchalik qiziqarli o‘tishini ko‘rsatib turibdi. Jamoamiz 17 bor kubok finallarida o‘ynab, ulardan 13tasida g‘olib bo‘lgan. "Bunyodkor" esa 9 finaldan 4tasida zafar quchgan.

Jamoalar kubok doirasida 8 bellashuvda o‘zaro to‘qnash kelishgan. 3 o‘yinda "Sherlar", 4 bahsda "Bunyodkor" g‘alaba qozongan va bir uchrashuvda durang qayd etilgan. "Paxtakor" 7 gol urib, 12 to‘p o‘tkazib yuborgan.

O‘yinni jamoalardan diskvalifikasiya tufayli o‘tkazib yuboradigan futbolchilar mavjud emas.

Ishqibozlarni kubokdagi derbi va ajoyib o‘yinni stadiondan kuzatishga taklif etamiz. O‘yin 15 avgust, payshanba kuni soat 19:30da "Bunyodkor" stadionida boshlanadi.