Prezident Shavkat Mirziyoyevning topshirig‘iga asosan, kuchli zilziladan jabrlangan Afg‘oniston aholisi uchun navbatdagi insonparvarlik yordami yo‘llandi. Bu haqda Surxondaryo viloyati hokimligi ma’lum qildi.
Yordam sifatida oziq-ovqat mahsulotlari, dori-darmon va tibbiy anjomlardan iborat qariyb 300 tonna yuk O‘zbekiston xalqi nomidan Balx viloyatiga yetkazildi.
Hayraton shahridagi «Astras» kompaniyasi maydonida yordamni topshirish marosimi o‘tkazildi. Unda O‘zbekiston prezidentining Afg‘oniston bo‘yicha maxsus vakili Ismatilla Ergashev, Surxondaryo viloyati hokimi Ulug‘bek Qosimov, Balx viloyati gubernatorining o‘rinbosari Nurulhodi Abuidris hamda ikki mamlakat rasmiylari ishtirok etdi.
Yuk tarkibidan un, guruch, shakar, tushyonka, makaron va qandolat mahsulotlari, yog‘, tayyor taomlar, qizil loviya va mosh, qadoqlangan ichimlik suvi, 5 mingta yoping‘ich hamda 10 tonnadan ziyod dori vositalari va tibbiy jihozlar o‘rin olgan.
Ma’lumot uchun, 1 sentyabrga o‘tar kechasi Afg‘oniston sharqida kuchli zilzila sodir bo‘lgan. Qutqaruv ishlari davomida qurbonlar soni 3 mingga yaqinlashgani aniqlandi.
Sherzodxon Qudratxo‘ja Lola Karimovaga Islom Karimovning xatolarini eslatdi va baloga qoldi
"Biz neftni qayerdan sotib olishimiz, bizga eng foydali variantdan kelib chiqib hal qilinadi"
Toshkentda blogerga sud hukmi o‘qildi
