Ukrainaning “kichik muammolari” bor, — Tramp

AQSh prezidenti Zelenskiyni “yaxshi yigit”, Putinni esa “juda yoqimli” deb atadi.

AQSh prezidenti Donald Tramp NATOning Gaa shahridagi sammitida Ukraina prezidenti Vladimir Zelenskiy bilan uchrashuvi arafasida Ukraina duch kelayotgan muammolarni “katta emas” deb baholadi, Rossiya prezidenti haqida esa iliq fikr bildirdi.

“Biz uning muammolarini muhokama qilamiz. Unda kichik qiyinchiliklar bor. Zelenskiy — yaxshi yigit,” — dedi Tramp jurnalistlarga, NATO bosh kotibi Mark Ryutte ishtirokida.

Tramp shuningdek, Rossiya prezidenti Vladimir Putin bilan ko‘p marta muloqot qilganini tasdiqladi va uni ijobiy tarzda tavsifladi:

“U, aslida, juda yoqimli edi,” — dedi Tramp.

Uning aytishicha, Putin unga Eron bilan bog‘liq vaziyatni hal etishda yordam taklif qilgan, ammo Tramp unga kutilmagan tarzda javob bergan:

“U menga Eron bo‘yicha yordam taklif qildi. Men aytdim: menga Eron bo‘yicha yordam kerak emas, menga Rossiya bo‘yicha yordam kerak. Dedim: yaxshilik qil — bizga Rossiya bo‘yicha yordam ber, Eron bo‘yicha emas.”

Tramp ukrainalik yetakchi bilan qanday masalalarni muhokama qilishlari haqida aniq gapirmadi:

“Biz ochiq-oydin narsalarni muhokama qilamiz. Bilmayman. O‘ylaymanki, biz Ukraina haqida gaplashamiz,” — dedi u.

Niderlandida ilk bor o‘tayotgan NATO sammiti (24–25 iyun) chog‘ida Tramp bosimi ostida 32 davlat 2035 yilgacha mudofaa xarajatlarini YAIMning 5%igacha oshirishga kelishib oldi. Faqat Ispaniya bundan mustasno qilindi.

• Zelenskiy tantanali kechki ovqatga taklif etildi,

• Ammo asosiy muzokaralarga kiritilmadi,

• Tadbir xavfsizligini 27 ming nafar polisiyachi ta’minlamoqda.

Bu bayonotlar Trampning Ukraina inqiroziga nisbatan yondashuvi va Rossiyaga bo‘lgan munosabatida aniq siyosiy pozisiyadan ko‘ra shaxsiy taassurotlar va oxangdorlik ustuvorligini ko‘rsatmoqda.